ရိုးသားစွာ ဝန်ခံပါရစေ…အထင်တော် မသေးကြပါနဲ့၊ကျွန်တော့်မှာ မိန်းမသုံးယောက်ရှိပါတယ်၊ ဒီစာကိုတော့ ဆုံးအောင်ဖတ်ပေးပါ။ အဲဒိသုံးယောက်ထဲမှာ နောက်ဆုံးယူထားတဲ့အငယ်ဆုံးမလေးကို အချစ်ဆုံးပါ၊ သူကတွတ်တီးတွတ်တာလည်းပြောတတ်တယ်၊ လှလည်းလှတယ်။ ကျွန်တော် ငွေတွေရှာနေတာ အလုပ်တွေ လုပ်နေတာဘယ်သူ့အတွက်များ ထင်သလဲ ၊သူ့အတွက်ချည်းပါပဲ၊ ညအိပ်ရာဝင်ရင်လည်း သူ့ပဲ သတိရတယ်၊ မနက်မိုးလင်းရင်လည်း သူ့ဆီပဲ စိတ်က အမြဲရောက်နေတယ်၊ စားစားသွားသွား ဘာပဲလုပ်လုပ်သူ့စိတ်နဲ့ ကျွန်တော် အမြဲ ရှင်သန်နေရသူ ပါပဲ၊ သူဘာပဲတောင်းဆို တောင်းဆို ချက်ချင်းလိုက်လျောမိတယ်။
သူလိုချင်တာ မှန်သမျှ သူဖြစ်ချင်တာ မှန်သမျှ ကျွန်တော် လုပ်ပေးချင်တယ်၊ Sky Walkနဲ့ 78 Shopping ကြီးတွေကို ဝယ်ဖို့ တောင်းဆိုရင်တောင် ဝယ်ပေးလိုက်ချင်တာ အဲဒီလောက်အထိချစ်တာ။ဒုတိယယူထားတဲ့ကောင်မလေးကိုလည်း ချစ်တာပါပဲ။ ဘာလို့လဲဆိုတော့ သူက ကျွန်တော့ရဲ့ ဂုဏ်သတင်းကျော်စောအောင် ကျွန်တော့်အလုပ်တွေ အောင်မြင်အောင်အမြဲ အကူအညီပေးလို့ပါပဲ၊ ကျွန်တော်ဒီလောက်အထိ အလုပ်တွေ များများလုပ်နိုင်တာသူကူညီလို့ပါပဲ။ ကျွန်တော်သွားလေရာမှာ သူအမြဲပါတယ်၊ ကျွန်တော်ဖြစ်ချင်တာ မှန်သမျှ သူလုပ်ပေးတယ်၊ ကျွန်တော်စိတ်ကူးတွေ မှန်သမျှ သူက အကုန်အကောင်အထည်ဖော်ပေးတယ် အဲဒါကြောင့်ချစ်တာ။ပထမ ယူထားတဲ့ မိန်းမကြီးကတော့ သိကြတဲ့အတိုင်းပါပဲ၊ ကျွန်တော့်အလိုကို မလိုက်ဘူး ကျွန်တော် မလုပ်ချင်တာတွေကိုပဲခိုင်းတယ်၊
စကားလည်းအလွန်များတယ်၊ နားပူတယ်၊ သူပြောတဲ့စကားတွေကလည်း အမှန်တွေပါ၊ ဒါပေမယ့် ကျွန်တော် သူ့စကားနားမထောင်ချင်ဘူး၊ သူခိုင်းတဲ့အလုပ်တွေက တစ်ကယ့်ကို တန်ဖိုးရှိတဲ့အလုပ်တွေပါ။ဒါပေမယ့်ကျွန်တော် မလုပ်ချင်ဘူး၊ အဲဒိမိန်းမကြီးရဲ့အိမ်ကို တစ်နှစ်တစ်ခေါက်လောက်သာ ကျွန်တော်ရောက်တယ်။ (၁၀)ရက်လောက်ပဲ ကြာတယ် ၊အဲဒီ(၁၀)ရက်မှာတောင် စိတ်က အငယ်ဆုံးမလေးဆီပဲ ရောက်ရောက်နေတယ်၊ သူ့ကို ချစ်လားလို့မေးရင် ကျွန်တော် မဖြေတတ်တေည့ဘူး။ ချစ်သင့်မှန်းတော့ ကျွန်တော်သိတယ်။ ဒီလိုနဲ့…ပြီးခဲ့တဲ့လကကျွန်တော်ကျောက်ကပ်မကောင်းလို့ ခွဲစိတ်ရတယ်၊ ကျွန်တော့်ကိုယ့် ကျွန်တော် အားမရဘူး၊ သေမယ်လို့ပဲ ထင်နေမိတယ်၊ သေမယ်ဆိုတော့ ထုံးစံအတိုင်းစွဲလန်းမှု့တွေကို သတိရတယ်ပေါ့၊ဘယ်သူ့ကို အရင်ဆုံးသတိရတယ်ထင်တာလဲ၊ တီတီတာတာ ချွဲတတ်တဲ့ အငယ်ဆုံးကောင်မလေးကို သတိရတာပေါ့၊ သူကျွန်တော် အနားကို ကပ်လာတဲ့အချိန် စကားသံတိုးတိုးလေးနဲ့ ကျွန်တော်သူ့ကို မေးမိတယ်။
“အချစ်ရယ် ကိုယ်သေမယ်ထင်တယ်၊ မင်းလေးသာ ကိုယ့်အနားမှာရှိရင် ငရဲပြည်ကိုလည်း တို့ အတူသွားရဲတယ်။ဘယ်နေရာ သွားရသွားရမင်းလေးနဲ့အတူပဲ သွားချင်တယ် မင်းလိုက်ခဲ့ပါ၊ ” ကောင်မလေးက ခါးခါးသီးသီးပဲ မဲ့ပြုံးလေး ပြုံးပြီးငြင်းတယ်၊ “ရှင့်ကို ကျွန်မ ချစ်ပါတယ်၊ ဒါပေမယ့် ရှင့်ကို အဲဒိလောက်ထိ မချစ်ဘူးတဲ့၊ ” ခင်ဗျားတို့ အသဲကွဲဖူးသလား၊ ဒီစကားနဲ့ပဲ ကျွန်တော့် အသဲတွေ ဟက်တက်ကွဲသွားတယ်၊ ကျွန်တော်ကဖြင့် ချစ်လိုက်ရတာ၊ အင်းပေါ့လေ သူက ငယ်တာကိုး၊ ဒီလိုနဲ့ ဒုတိယကောင်မလေး ကျွန်တော့် အနားကို ရောက်လာတဲ့ အချိန်မှာ ကျွန်တော့်ရင်ထဲ က ဆန္ဒတွေကို ထုတ်ဖေါ်ပြောမိတယ်၊ “မိန်းကလေးရယ် ကိုတော့ သေမယ်ထင်တယ်၊ သေခြင်းရဲ့ ဟိုဘက်မှာ ကိုတစ်ယောက်တည်းမသွားချင်ဘူး၊ မင်းနဲ့အတူသွားရရင် ကိုယ်အရမ်းအားရှိမှာ ၊မင်းကို ကို…အားကိုးပါတယ် မင်းလိုက်ခဲ့ပါလား”
သူက ကျွန်တော့်ကို တွေတွေကြီးစိုက်ကြည့်နေတယ်၊ ဘာစကားမှ မပြောဘူး၊ “အချစ်ရယ် မင်း …..ကိုနဲ့အတူ လိုက်ခဲ့ပါကွာ” သူက ကျွန်တော့်အနားက ပြန်ခါနီးမှာ တစ်ခွန်းတည်းသောစကားကို ဆိုသွားတယ်၊”မလိုက်ချင်လို့ မလိုက်ရဲလို့ မဟုတ်ပါဘူး၊ ကျွန်မရှင့်ကို အဲလောက်အထိ ချစ်ရဲ့လားလို့ စဉ်းစားလိုက်ဦးမယ်”
ကျွန်တော် အရမ်းခံစားရတယ်ဗျာ မျှော်လင့်မထားတဲ့စကားကို ကျွန်တော် ကြားလိုက်ရတယ်၊ ခင်္ဗျားတို့ စဉ်းစားကြည့်ပါသေတော့မယ့် ကျွန်တော် ဘယ်လောက်များ အားငယ်လိုက်မလဲ၊ အားကိုးရှာတော့လည်း ထင်သလိုဖြစ်မလာဘူး။ ဒီအချိန်မှာ ကျွန်တော် မချစ်တဲ့၊ ကျွန်တော့်ကို ချစ်တဲ့ ပထမ မိန်းမကြီးက ကျွန်တော့်အနားရောက်လာတယ် ၊ ကျွန်တော် သူ့ကို လှည့်မကြည့်ဘူး။ သူက ကျွန်တော့ကို စကားတစ်ခွန်းပြောတယ်၊
“ရှင်အားမငယ်ပါနဲ့ ရှင်နဲ့အတူ ကျွန်မ ရှိနေမှာပါ၊ သံသရာတစ်လျောက်လုံးရှင့်အနားမှာ ကျွန်မ ထာဝရရှိနေမှာပါ” ကျွန်တော် အံ့သြသွားတယ် ကျွန်တော် မချစ်တဲ့မိန်းမကကျွန်တော့်အနားမှာ ထာဝရ ရှိနေမယ်တဲ့ဗျာ၊ စာဖတ်သူ ခင်ဗျာ….. ကျွန်တော့်မှာ တကယ် မိန်းမသုံယောက်ရှိတာပါ၊ ခင်ဗျားမှာလည်း မိန်းမသုံးယောက်ရှိပါတယ်။ စဉ်းစားမိရဲ့လား၊ ကျွန်တော်တို့ အမြဲသတိတရရှိနေတဲ့ အချစ်ဆုံးဆိုတာ ဘယ်သူလဲ၊ ကျွန်တော်တို့ နေ့စဉ်ရှာဖွေနေတာ အဲဒီအချစ်ဆုံးတွေအတွက်ဆို သူဘာတွေပဲတောင်းဆိုတောင်ဆို လိုက်လျောနေမိတာ ၊ပေးနေမိတာ၊ ကျွေးနေမိတာ၊ အချိန်တိုင်းသတိတရနဲ့ ခံစားနေရတဲ့လအချစ်ဆုံးဆိုတာ၊ ကျွန်တော်တို့ရဲ့သားသမီးတွေ အိမ်ထောင်ဖက်တွေပေါ့၊
ကျွန်တော်တို့ကသာ သူတို့ကိုချစ်ရတာပါ၊ သူတို့ရဲ့ဆန္ဒကို ဖြည့်ဆည်းပေးရတာပါ။ သူတို့လေးတွေက ကျွန်တော်တို့ကိုတစ်ကယ်မချစ်ပါဘူး။ တွတ်တီးတွတ်တာ ပြောလို့ ချစ်ရတယ်၊ စိတ်မချလို့ ချစ်ရတယ်၊ စိတ်ကောက်လို့ ချစ်ရတယ် ကျွန်တော်တို့ က သူတို့ကို ပုံစံအမျိုးမျိုးနဲ့ ချစ်နေတာ၊ သူတို့က ကျွန်တော်တို့ကို တစ်ကယ်ချစ်တယ်လို့များထင်နေလို့လား။ ကျွန်တော် သေရင် သူတို့ ခဏလေးငိုမယ်၊ ပြီးရင် မေ့မယ်၊ ကျွန်တော်ရှာဖွေထားတာတွေကို ခွဲယူကြမယ်နော် သတိမရကြတော့ဘူ။
ဒုတိယမိန်းမက ဘယ်သူလဲဆိုတော့ တွေးမိရဲ့လား၊ ဒုတိယမိန်းမဆိုတာ ကျွန်တော့်ရဲ့အလုပ်တွေပေါ့၊ အောင်မြင်မှု့တွေ ကျော်ကြားမှု့တွေ စည်းစိမ်တွေ၊ လုပ်ငန်းခွင်တွေ၊ ပိုင်ဆိုင်မှု့တွေ ၊ပစ္စည်းတွေပေါ့။ သူတို့ဟာလည်း ကျွန်တော်တို့နဲ့လိုက်ပြီးမသေပါဘူး၊ ကျွန်တော်တို့သေရင် ထားပစ်ခဲ့ရမှာ။ ကျွန်တော်တို့ တစ်ကယ်ပိုင်တယ်လို့ထင်နေလား၊ ဒါဖြင့်ရင် ကျွန်တော်တို့ မချစ်တဲ့ ပထမဆုံးမယားကြီးဆိုတာ ဘယ်သူလဲ၊ တွေးကြည့်ကြရအောင်။
ကျွန်တော်တို့ လုပ်ခဲ့တဲ့ အကုသိုလ်ကံ၊ ကုသိုလ်ကံတွေပေါ့၊ သေပြီးတဲ့နောက်သံသရာ အဆက်ဆက်ထိ အတူလိုက်လာမယ့် ချစ်သူပဲ၊ ဝိပဿနာတရားစခန်းကို တစ်နှစ်တစ်ခေါက်လောက်သာ ကျွန်တော်တို့ ရောက်ကြရတာမဟုတ်လား၊ ဆယ်ရက်လောက်စခန်းဝင်တာတောင် အိမ်က သားတွေ သမီးတွေ အလုပ်တွေ စည်းစိမ်တွေ ဥစ္စာတွေကို သတိရနေတတ်ကြတယ် မဟုတ်လား၊ အဲဒီမယားကြီးပြောတာ က အမှန်တရားတွေပါ၊ သူခိုင်းတာတွေက လောကရဲ့အဆီအနှစ်တွေပါ၊ ဒါပေမယ့် နားငြီးတယ်ဗျာ နားပူတယ်ဗျာ၊
စာဖတ်သူဟာ အသက် ၄၀၊ ၅၀ကျော်ပြီ၊ သားတွေ သမီးတွေမြေးတွေ ဥစ္စာဓနတွေ ပိုင်ဆိုင်နေတာ ဆိုရင်တော့ ဒီစာရဲ့ သဘောကို နားလည်မှာပါ ၊
ဒါကြောင့်ပြောတာပေါ့
ဦးဘုန်း(ဓာတု)မှာ မိန်းမသုံယောက်ရှိပါတယ်။
Credit: shwewiki