အသက်အရွယ်နဲ့ဆိုင်တဲ့ အလှတရားတစ်ခုဖြစ်တဲ့ ပါးရေတွန့်ခြင်းကို ဘယ်လို ထိန်းသိမ်းရမလဲဆိုတဲ့ နည်းလမ်းဟာ သင့်အိမ်ထဲမှာပဲ ရှိပါတယ်။ ဒါကို ဘယ်သူ့အကူအညီမှ မယူဘဲပြုလုပ်နိုင်ပါတယ်။
ပါးရေတွန့်ခြင်းကို ကာကွယ်လိုပါသလား - နေရောင်ခြည်ကာ ကရမ်တွေ လိမ်းပါ။ အရေးအကြောင်းတွေနဲ့ အစက်အပြောက်တွေကို ကာကွယ်ချင်ပါသလား- အာရုံကြော အားဖြည့်ဆေးမျိုးသုံးပါ စသဖြင့် အမျိုးမျိုးသော အကြံပေးချက်တွေကို အကြိမ်ပေါင်းများစွာ ကြားဖူးကြမှာပါ။ အခုပြောချင်တာကတော့ သိပံပညာရှင်တွေရှာတွေ့ထားတဲ့ အရွယ်တင်ဆေး အသစ်ဖြစ်ပြီး ခါတိုင်းလို ဘူးလေးတစ်ဘူးထဲက လာတာမျိုးမဟုတ်ပါဘူး။
ဒါကလွတ်လပ်တယ်။ လွယ်ကူတယ်။ ဘယ်နည်းနဲ့မဆိုမဖြစ်မနေလုပ်နေမှာမျိုး ဖြစ်တယ်။ တခြားမဟုတ် အိပ်စက်ခြင်းပါ။ တစ်ညတာကောင်းကောင်းအိပ်စက်လိုက်နိုင် ခြင်းရဲ့နောက်မှာ နုပျိုလန်းဆန်းမှု၊ ပိုမိုကြည့်ကောင်းမှုတို့ကို ရရှိနိုင်ပါတယ်။
အိပ်ပျက်ညတွေကတော့ သင့်အသားအရေကို မြန်မြန်အိုမင်းရင့်ရော်စေပါတယ်။ ဖောင်းဖောင်းအစ်အစ်မျက်လုံးနဲ့ ညိုနေတဲ့မျက်ကွင်းတွေက သင့်ရဲ့ အိပ်ပျက်ညတွေကို ဖော်ပြနေပါတယ်။ အိပ်ရေးပျက်ခြင်းက ခနာကိုယ်ရဲ့ အချို့အချို့သော တစ်သျှူးတွေ ပြတ်တောက်ပြီး အသားအရေကို မွဲခြောက်စေပါတယ်။
အလွန်တန်ဖိုးရှိတဲ့ ကောင်းမွန်တဲ့အိပ်စက်ခြင်းကို ဘာနဲ့မှ အစားထိုးလို့မရနိုင်ပေမယ့် အသားအရေကိုပြန်ပြီးအားဖြည့်တျဲု့ငည ခမေန အချို့ကိုတော့ ဖြည့်စွက်စာအနေနဲ့ သုံးလို့ ရပါတယ်။ စနေနေ့လိုညမျိုးမှာ ကဲလိုက်မိတာကြောင့် သင့်ရဲ့ပုံမှန်အိပ်စက်ခြင်း ဖြစ်စဉ်က ပျက်စီးသွားနိုင်ပါတယ်။။ အယ်ကိုဟောအာနိသင်က သင့်ရဲ့ပုံမှန်အိပ်ချိန် (၈)နာရီရှိရင် (၄)နာရီ ကြာတဲ့အခါ သူ့အရှိန်ပြယ်သွားပါပြီ။ ဒါကို ညလယ်မှာသင်နိုးပြီး အိပ်ရေးပျက်သလို ဖြစ်နေပါလိမ့်မယ်။ ဒီတော့ အရက်သောက်မယ်ဆိုရင် အိပ်ချိန်နဲ့ ဝေးဝေးသောက်ပါ။
ကာဘွန်ဟိုက်ဒရိတ်ဆိုတာ သကြားဓါတ်ပါ။ ဒီအချိုဓါတ်တွေဟာ သင့်ရဲ့ ခနာကိုယ်ကို လောင်ကျွမ်းလွယ်စေတဲ့အခြေအနေရောက်အောင် တွန်းပို့ပါတယ်။ တကယ်လို့ မအိပ်ခင် အချိုဓါတ်အများကြီးစားလိုက်မယ်ဆိုရင် အိပ်နေစဉ်အချိန်မှာ သွေးတွင်းအချိုဓါတ်တွေ ကျဆင်းနေပါတယ်။ ဒါဟာသင့်ကို နှိုးလိုက်သလိုဖြစ်နိုင်ပါတယ်။ ဒါကြောင့် မအိပ်ခင်မှာ ကာဘွန်ဟိုက်ဒရိတ်ဓါတ်များတဲ့ အစားအစာတွေကိုရှောင်ပါ။
ညဉ့်နက်ချိန်ထိ တီဗွီကြည့်ခြင်းကလဲ အိပ်စက်ရာမှာလိုအပ်တဲ့ မီလတိုနင်လို့ခေါ်တဲ့ ဟိုမုန်းဓါတ်ထုတ်လွှင့်မှုကို အနှောင့်အယှက်ပေးပါတယ်။ အိပ်ခန်းကို အေးမြစေရန်၊ မှောင်နေ စေရန်နဲ့ တိတ်ဆိတ်နေစေရန် ပြုလုပ်ထားပါ။
အသားအရေထိန်းသိမ်းဖို့နဲ့ အရွယ်တင်နုပျိုဖို့ လက်နက်ကောင်းတစ်ခုက ကောင်းစွာ အိပ်စက်အနားယူခြင်းပါ။ ဒါကြောင့် ကျန်းမာရေးနဲ့မညီညွတ်တဲ့ အပြုအမူတွေကို ရှောင်ရှားပြီး အိပ်စက်ခြင်းကို ဘယ်အကြောင်းကြောင့်မှ အနှောင့်အယှက်မဖြစ်မခံသင့်ပါဘူး။
Credit :Trend Myanmar