အိန်ဂျလီနာ ဂျိုလီလို ဒါမှမဟုတ် ကိုင်လီဂျန်နာလို နှုတ်ခမ်းဖူးဖူးလေး လိုချင်တဲ့သူတွေအတွက် Botox ထိုးစရာလည်း မလိုပဲ ကိုယ်တိုင်ပြင်ဆင်ခြယ်သလိုက်ရုံနဲ့ နှုတ်ခမ်းဖူးဖူးလေး ရနိုင်တဲ့အကြောင်း ပြောပြပေးချင်ပါတယ်။ အပြင်သွားခါနီး အရင်ထက် နည်းနည်းအချိန်ပိုပေး၊ ပြင်ဆင်လိုက်ရုံနဲ့ သင်လိုချင်တဲ့ နှုတ်ခမ်းပုံစံမျိုး ဖြစ်သွားစေဖို့ ဒီအချက်လေးတွေက ကူညီပေးပါလိမ့်မယ်။
၁။ကွန်ဆီလာ နည်းနည်းလိမ်းလိုက်ပါ။
နှုတ်ခမ်းအတွက်ဆိုရင် ပျိုမေတော်တော်များများက ကွန်ဆီလာ သုံးတတ်ကြတာ နည်းပါတယ်။ နှုတ်ခမ်းဖူးဖူးလေး ရချင်တယ်ဆိုရင်တော့ ဒီအချက်က ထူးခြားချက် ဖြစ်ပါလိမ့်မယ်။ အောက်နှုတ်ခမ်းသား ထူထူလေးဖြစ်ဖို့ဆိုရင်ရင် အောက်နှုတ်ခမ်းရဲ့ အလယ်သားကို ကွန်ဆီလာနည်းနည်းလေး လိမ်းပေးဖို့ လိုပါတယ်။ ဒါဆိုရင်တော့ သင့်နှုတ်ခမ်းလေးက သာမာန်ထက် နည်းနည်းလေး ထူသွားပြီလေ။
၂။နှုတ်ခမ်းသားအပေါ်၊အောက်ကို Lip Liner သုံးပြီး နည်းနည်းဆွဲပေးလိုက်ပါ။
ကိုယ်က နှုတ်ခမ်းသားကို ပြည့်ပြည့်ဖူးဖူးလေး လိုချင်တယ်ဆိုရင်တော့ လိုင်နာဆွဲဖို့ လိုကို လိုပြီပေါ့။ ကိုယ့်ရှိရင်းစွဲ နှုတ်ခမ်းသားထက် နည်းနည်းလေး အပြင်ဘက်ပိုယူပြီး lip liner လေး ဆွဲလိုက်ပါ။ ဖြစ်နိုင်ရင် နှုတ်ခမ်းသားတစ်ဝိုက် Lip liner ဆွဲပြီးသွားရင် လိုင်နာနဲ့ နှုတ်ခမ်းသားကြား ညီသွားအောင် အရောင် ဖြည့်ပေးပါ။ ဒါဆိုရင် ကာလာထည့်လိုက်တဲ့အခါ အဆင်ပြေပြီပေါ့။
၃။ကာလာအနုလေးကို အရင်ဖြည့်ဆိုးပေးပါ။
ဒုတိယအဆင့်ပြီးသွားရင်တော့ မှောင်တဲ့ဘက်ရောက်တဲ့ ကာလာအရင့်တွေထက် သဘာဝကျတဲ့ ကာလာအနုလေးတွေဆိုပေးဖို့ လိုပါတယ်။ ကာလာအရင့်တွေက သင့်နှုတ်ခမ်းကို ပိုသေးသွားသလို ဖြစ်စေနိုင်တာကြောင့် အနုလေးတွေ ဆိုးပေးရင်တော့ ပိုကောင်းပါတယ်။
၎။နှုတ်ခမ်းသား တောက်ပအောင် Gloss ထပ်ပေးပါ။
သင့်နှုတ်ခမ်းသားလေး စိုစွတ်ပြီး ကြည့်ကောင်းနေစေဖို့ နှုတ်ခမ်းသားပိုထူသွားသလို ဖြစ်စေတဲ့ Gloss လေး ထပ်ပေးလိုက်ပါ။ ဆိုးတဲ့အခါ အောက်နှုတ်ခမ်းရဲ့ အလယ်သားလေးကို Gloss အကြည်ရောင်လေး ထပ်ပေးဖိုို့ပါတယ်။
၅။နှုတ်ခမ်းသားကို ကွပ်ပေးပါ။
နောက်ဆုံးအဆင့်အနေနဲ့ အားလုံးပြီးသွားပြီဆိုတာနဲ့ အပြီးသတ် နှုတ်ခမ်းသားကို ကွပ်ပေးဖို့ လိုပါတယ်။ သင်လိုချင်တဲ့ နှုတ်ခမ်းသားတစ်ဝိုက်ကို ခပ်ထူထူဖြစ်စေဖို့အတွက် highlight stick လေးနဲ့ ကွပ်ပေးလိုက်ရုံပါပဲ။
ဒီအဆင့် (၅)ဆင့်အတိုင်း လုပ်ဆောင်ပြီးပြီဆိုရင်တော့ နှုတ်ခမ်းဖူးဖူးလေးကို ချက်ချင်းရရှိပိုင်ဆိုင်နိုင်ပြီနော်။
Credit :Trend Myanmar