မိန်းကလေးတစ်ယောက်မှာ တပြိုင်တည်း ကိုယ့်ကို ချစ်နေတဲ့ ယောက်ျားလေးနှစ်ယောက်ရှိတတ်ပါတယ်။ ကိုယ့်အနေနဲ့လည်း ဒီကောင်လေးနှစ်ယောက်စလုံးကို လက်ခံစဉ်းစားလိုတဲ့ အချိန်လည်း ရှိကောင်းရှိမှာပါ။ တခါတလေမှာ သူတို့နှစ်ယောက်ကြားက ဘယ်သူ့ကို ရွေးချယ်ရမလဲဆိုတာ မသိဘူးဖြစ်နေတတ်ပါတယ်။ ဒါပေမဲ့လည်း ဘဝလက်တွဲဖော်အဖြစ်ရွေးတော့မယ်ဆိုရင် တစ်ယောက်ကိုပဲ ကျိန်းသေပေါက်ရွေးချယ်ရပါလိမ့်မယ်။ ဒါကြောင့် ဒီလိုရွေးချယ်ဖို့ စဉ်းစားတဲ့အခါ ဘယ်အချက်လေးတွေကို အခြေခံပြီး ရွေးချယ်သင့်လဲဆိုတာ ပြောပြပေးချင်ပါတယ်။
အရင်ဆုံး သူတို့တစ်ယောက်ချင်းစီရဲ့ အရည်အချင်းတွေကို စာရွက်တစ်ရွက်ပေါ်ချရေးကြည့်ပါ။
သူတို့ကျွမ်းကျင်တဲ့အရာတွေ၊ ရည်မှန်းချက်တွေ၊ သနားကြင်နာတတ်တာ၊ လေးစားမှုရှိတာတွေလို အရည်အချင်းတွေကို ပြောတာပါ။ လင်ကုန်ရှုံးရင် တစ်သက်လုံးပြန်ပြင်လို့ မရတဲ့အတွက် အရည်အချင်းရှိတဲ့ ယောက်ျားတစ်ယောက်ဖြစ်ဖို့ အင်မတန်အရေးကြီးပါတယ်။ ချမ်းသာတဲ့သူဖြစ်ဖို့မလိုပေမဲ့ ကိုယ့်ကို မပူမပင်ရအောင် ထားနိုင်တဲ့သူဖြစ်အောင် ကြိုးစားချင်တဲ့သူဖြစ်ဖို့လိုတယ်။
သူနဲ့လိုက်ဖက်ညီနိုင်လား စဉ်းစားရမယ်။
နှစ်ယောက်စလုံးရဲ့ ဘဝနေထိုင်မှုပုံစံတွေနဲ့ ကိုယ်ရည်ကိုယ်သွေးတွေကို စဉ်းစားတဲ့အခါ ကိုယ့်ရဲ့ ဘဝနေထိုင်မှု ပုံစံနဲ့ အနီးစပ်ဆုံးတူမယ့်သူကိုပဲ ရွေးသင့်ပါတယ်။ ကိုယ့်အိပ်မက်ကိုထောက်ပံ့ပေးနိုင်မယ့်သူလား၊ လက်တွေ့ဆန်ပြီး ဦးဆောင်မယ့်သူလား။ ကိုယ်လိုချင်တဲ့အိမ်ထောင်ဦးစီးပုံစံမျိုး ဖြစ်နိုင်မယ့်သူလားဆိုတာ ဆန်းစစ်ပါ။ ကိုယ်က ပျော်ပျော်ရွှင်ရွှင် ပေါ့ပေါ့ပါးပါးနေရတာကြိုက်ပြီး သူက ဒါတွေကို ပေါ့ပျက်ပျက်နေတယ်လို့ ထင်တဲ့သူမျိုးလား။ ကိုယ်ကလေးလေးနက်နက်ဖြစ်မှသဘောကျပေမဲ့ သူက ဘာကိုမှအလေးမထားတတ်သူလားဆိုတာတွေ ထည့်စဉ်းစားပါ။ အခြေခံပုံစံချင်းကွဲနေရင် ထပ်တူညီဖို့ဘယ်လိုမှ မဖြစ်နိုင်သလို တူအောင်လိုက်ညှိရလွန်းရင်လည်း ပင်ပန်းရမှာပါ။
ကိုယ့်ကို အမှန်တကယ် ရင်ခုန်စေတဲ့သူကို ရွေးရပါမယ်။
ကိုယ့်ဆီကို မက်ဆေ့ခ်ျတစ်စောင်ရောက်လာရင် ဘယ်သူ့ဆီက မက်ဆေ့ခ်ျဖြစ်ဖို့ မျှော်လင့်လဲ။ ဘယ်သူနဲ့ စကားတွေပြောရတာ အချိန်တွေကုန်သွားမှန်း မသိသလို ခံစားရစေသလဲ။ အနားမှာရှိနေရင် အလိုလို ပျော်နေသလိုဖြစ်နေတာ ဘယ်သူ့ကြောင့်လဲ။ နှလုံးသားမပါဘဲ ဖြစ်သင့်တယ်ထင်လို့ ဦးနှောက်သက်သက်နဲ့ပဲ စဉ်းစားရွေးချယ်ခဲ့တဲ့ အိမ်ထောင်တစ်ခုက ကိုယ့်ကိုယ်ကို ထောင်ချပစ်သလိုပဲ ဖြစ်နေပါလိမ့်မယ်။ အိမ်ထောင်တစ်ခုဆိုတာ ဝမ်းနည်းမှု ဝမ်းသာမှုတွေအချိုးကျ ပေါင်းစပ်ရတယ်ဆိုပေမဲ့ စိတ်မချမ်းသာမှုတွေပဲ အချိုးများနေရင် ဘဝကြီးက အကျည်းတန်နေမှာပါ။ ဒါကြောင့် အချစ်ကို ဦးနှောက်နဲ့ရွေးချယ်တဲ့အခါ နှလုံးသားကိုလည်း ပါအောင်ခေါ်သွားသင့်ပါတယ်။
သူကိုယ့်အပေါ် ဘယ်လောက်သစ္စာရှိနိုင်မလဲ။
သူ့ရဲ့ အကျင့်စာရိတ္တနဲ့ စိတ်နေစိတ်ထား။ လူတစ်ယောက်က အခုအချိန်မှာတော့ ချစ်ပါတယ်ဆိုနေပေမဲ့ သူက သစ္စာတရားကို ဘယ်လောက်ထိ တန်ဖိုးထားတတ်တဲ့သူလဲဆိုတာ အခုအချိန်ကတည်းက သိထားဖို့လိုတယ်။ အခုခေတ်လူငယ်အများစုမှာ အပျော်အပါး မကင်းတာမှန်ပေမဲ့ ဘောင်မကျော်ဘဲ လက်ခံနိုင်လောက်တဲ့သူလား။ သူပျော်ဖို့အတွက်ဆို ကိုယ့်ကိုတောင်မေ့တတ်တဲ့သူ ဆိုရင်တော့ သေချာစဉ်းစားပါ။ ကိုယ်နဲ့ရပြီးမှ ပြုပြင်သွားမှာပါလို့ ဘယ်တော့မှ မတွေးပါနဲ့။ လူတစ်ယောက်ရဲ့ ဗီဇက ပြုပြင်ဖို့ မလွယ်ဘူးဆိုတာ မိန်းကလေးတိုင်း သိထားဖို့ လိုပါတယ်။
နောက်ဆုံးအနေနဲ့ ချစ်တိုင်းလည်း မရွေးသင့်သလို ဖြစ်သင့်တာတစ်ခုတည်းကြောင့်လည်း မရွေးသင့်ပါဘူး။
အိမ်ထောင်မပြုခင်မှာ ဦးနှောက်နဲ့ နှလုံးသားကို မျှခြေညီအောင်ထိန်းနိုင်မှ အိမ်ထောင်ကျပြီးချိန်မှာ ကြုံရမယ့်ဒုက္ခတွေ လျော့နည်းမှာပါ။ ဒုက္ခတွေ မရှိဘူးလို့ ပြောတာမဟုတ်ပါဘူး။ ဘယ်လောက်ပဲ နှလုံးသားတွေ၊ ဦးနှောက်တွေနဲ့ စဉ်းစားပြီး လက်ထပ်ခဲ့ပါစေ မမြင်ရတဲ့ ကံအကြောင်းတရားတွေကြောင့် ဘဝမှာ အမျိုးမျိုးသော အပြောင်းအလဲတွေရှိလာမှာပဲ ဖြစ်ပါတယ်။
Credit :Trend Myanmar